Ander Izagirrek dio Pirenaica liburuan maite duela bidaiak etxeko atarian hastea, pegora parean, pedalen klak hotsak ekarriko dituen abenturen promesarekin.

Bihar goizean hasiko dut Gipuzkoa herriz herri abentura. Ipurua futbol-zelaitik, goizeko 10:00etan, aldapan gora Elgetarantz. Euskalmetek eguraldi eskasa iragarri du biharko. Aldapan gora eta eguraldi petrala, gure irribarreak alaituko du eguna, seguru!

Koadernoan apuntatu ditut 89 udalerrien izenak. Ez ditut izenak ezabatuko, itsusia iruditzen zait ezabatzearena, zerrendatik kentzearena; politagoa iruditzen zait markatxo bat egitea izen bakoitzaren bazterrean eta zakura gehitzea.